Մեր հիմնադրամն աշխատում է նախադպրոցական, դպրոցական, բուհական կրթության ոլորտներում, զբաղվում է ծնողների, ուսուցիչների, մանկավարժների և ոլորտի այլ մասնագետների վերապատրաստմամբ։ Հիմնադրամն իր գործունեությամբ նպաստում է Հայաստանում բաց, ժողովրդավարական հասարակության կայացմանը, որտեղ յուրաքանչյուր երեխա կունենա իր ողջ ներուժը դրսևորելու հնարավորություն։ Մենք համագործակցում ենք նույն գաղափարներն ու սկզբունքները դավանող պետական ու հասարակական կազմակերպությունների ու անհատների հետ։ Կազմակերպությունը «Քայլ առ քայլ միջազգային ընկերակցության (ISSA-International Step by Step Assosiation) և «Քննադատական մտածողությունը կարդալու ու գրելու միջոցով միջազգային կոնսորցիումի» (RWCT IC- Reading and Writing for Critical Thinking International Consorcium) անդամ է և համագործակցում է տարբեր երկրների իր գործընկերների ու համախոհների հետ։ Մենք բաց ու թափանցիկ ենք աշխատում և պատրաստ ենք համագործակցության նաև ձեզ հետ։ test
Յուրաքանչյուր երեխա եզակի է և ունի իր սեփական ուսումնական կարիքները,
Ծնողներն իրենց երեխաների գլխավոր ուսուցիչներն են,
Աշխարհի նկատմամբ հետաքրքրասիրությունը մեր աշակերտների բնատուր հատկանիշն է, նրանք կարող են մտածել ու խոսել լուրջ հարցերի մասին և ստեղծագործական մտքեր արտահայտել,
Շեշտը պետք է դնել այնպիսի ուսումնական գործունեության վրա, որն օգնում է աշակերտներին բնականորեն ներգրավելու քննարկումների, համագործակցային և հետազոտական գործունեության մեջ, որի ընթացքում ձևավորվում է նրանց քննադատական մտածողությունը,
Մարդկանց մտածողության կերպը սերտորեն առնչվում է ժողովրդավարական քաղաքացիության հետ:
testtest
